جارتي جت ترميها قولتلها هاتيها ... تعااااالوا شوفوا عملت ايه

احلى سلام لاحلى فتوكات ........ انا جيبالكم النهارده حاجه عملتها امبارح ويارب تعجبكم

خير اللهم اجعله خير نازله انا وماما وخارجين لقيت جارتي فتحت الباب ولسه هترمي فلين كدا وجواه ورود ورول قولتلها عنكككككككككك هاتيه انا هغيره تماما قالتلي اوك خديه ..

قعدت افكر اعمل ايه اعمل ايه فيه قولت خلاص اشيل التجليد اللي فيه واغلفه من جديد بورق الكروشيه واحط فيه مجموعه للجسم كان اخو خطيبي جيبهالي هديه بس المجموعه كانت في السبت بتاعها قولت لا اشيلها واحطها هنا ... بصوا انتوا تابعوا معايا الخطوات لآني من امبارح منمتش واكيد لغبطت في الكلام وهيست ومش عارفه اكتب


دي شكل الفلين والرول والورد المقرف اللي فيه هههههههههه على فكره انا رميت كل حاجه قولت انا اعمل من عندي احسن وبعدين ريحه الورد اللي في دوختني وحشه كدا



دي شكلها قبل ما اشتغل عليها وطبعا فرشت فارشه عشان امي متصوتش وتقولي انتي بتبهدلي الدنيا


وادي الفلين شيلت منه التغليف اللي كان عليه هو والرول وغلفتهم من جديد بكورشيه جديد طبعا






غلفت الرول والفلين وسوري لأن في خطوات كتير ملحقتش اصورها



بعد ما غلفتهم ثبت الرول في الفلين بالطريقه دي ولزقت شرايط ستان حوالين الفلين




وبعدين ثبت فرع ورود على جنب الرول بس للاسف مصورتش ترتيب مجموعه الجسم لان دا وذوقك ترتبيها زي ما انتي عايزها وحطيت في وسطهم ورود وكمان فواحتين ريحتهم تجنن سرقتهم من اخويا الصغير




هنا بقى خلصت وغلفتها بالتل الاحمر




في النهايه بعد ما خلصت لقيت نفسي بصوت واقول يا نهااااااار نسيت الورد المجفف ومديت ايدي وحطيت الورد المجفف عشان ريحته حلوة



وبكدا خلصت ... واحلى حاجه بجد واللي مبسوطه منه ان مجموعه الجسم ريحتها حلوة ولما حطيت الفواحتين خلوها احلى وغير الوردد المجفف انا لما شيلتها اتجننت من الريحه لآنها حلوة


ياااااااااااااااارب تكون عجبتكم يااااارب ... بالله عليكم ادعولي ربنا يهديلي الحال ويهدي خطيبي ويتمملي على خير