من غير مقدمات طويلة
انا عملت وايت بورد للولاد وقلت اعرضها عليكن
يمكن تعجبكم وتفيد حد منكم
وطبعا طبعا نفسى اعرف رايكم لان دى اول مشاركة لى فى القسم ده
ولو شجعتونى حاقول لكم على حاجات تانيه
حلوة كتيييييييييييييييييييييييييييييييييييييييييييييييي ير
الخامات
1- قطعة كرتون مقوى ممكن تكون من صندوق الشيبسى او ما شابه ذلك
او قطعة اسفنج ابيض مربعة او مستطيلة
وممكن لو عندك قطعة خشب ابلكاش بالمقاس المناسب ليكى
يعنى 40×40او40×50
اى حاجة
2- ورق ابيض اكبر من المقاس الاول بشوية
3- قطعة مشمع شفاف بمقاس الورق الابيض
طريقة التنفيذ
لو كنتى حتنفذى على الاسفنج الابيض مش حتحتاجى الورق الابيض
غلفى الاسفنج بالمشمع وشديه كويس علشان ما يكونش فيه هوا خلفه
كانك بتجلديها
اما لوكنتى حتستخدمى كرتون او خشب جلديه الاول بالورق الابيض ثم المشمع
بعد كدة حتزينى احرف البورد باستيكرز من البارز او صور كرتونية
او حروف وارقام
انتى وزوقك العالى
وتيجى فى طرف من اطراف البورد وتعملى مقلمة صغيرة من علبه عصير او كانز وتزوقيها وتلزقيها علشان الولاد يحطوا فيها اقلام السبورة
وممكن تعمليلها حلقه من اعلى علشان تعلقيها لهم فى مستوى ايدهم
وسيبيهم يعيشوا حياتهم ويعملوا مدرسين على بعض
طبعا المشمع فوق الكرتون بيخلى الكتابة على البورد سهلة وبتتمسح بسهولة
اهم حاجة تجلديها كويس
يا رب الفكرة دى تعجبكم وتفيدكم
انا كان نفسى انزل لكم صور لكن لسة ما ليش فى الجو ده
بس اول ما اعرف حادوشكم
فى انتظار ردودكم وتشجيعكم
الرئيسية 
التسجيل 
دخول 
من طرف 
